Zekthi: Opozitë pa moral, Lela: Vetëm në Kuran e Bibël ka zgjidhje të tilla

Gazetarët Fitim Zekthi dhe Alfred Lela u përplasën në “Now me Erla Mëhillin” duke diskutuar për protestën e opozitës që do të zhvillohet më 6 dhjetor, në të njëjtën ditë kur liderët e Bashkimit Europian do të takohen me ata të Ballkanit Perëndimor në Tiranë.

“Fakti që Shqipëria qeveriset keq, që Shqipëria ka këto probleme të rënda nuk e legjitimon një subjekt politik që ka gjuajtur me leva, që ka sharë natë e ditë, nuk i bën protestat për shqiptarët dhe nuk fiton kurrë,” – u shpreh Zekthi.

Lela e kundërshtoi Zekthin duke thënë se Berisha mund të dalë në protestë dhe të mbartë shqetësimet e shqiptarëve aq sa i mban pesha e tij politike.

“Vetëm në librat fetar ka zgjidhje të tilla zotëri. Në Bibël e Kuran ka zgjidhje të tilla,” – u shpreh Lela duke iu përgjigjur tezës së Zekthit se politika duhet të ketë moral.