Zelenski: Anëtarësimi i Ukrainës në BE nuk duhet të zgjasë me vita apo dekada

Anëtarësimi i Ukrainës në Bashkimin Evropian nuk duhet të zgjasë me vite apo dekada.

Kështu u shpreh presidenti ukrainas, Volodimir Zelenski këtë të premte në parlamentin e Ukrainës.

“Na u deshën 115 ditë për të marrë statusin e vendit kandidat. Dhe rruga jonë drejt anëtarësimit nuk duhet të zgjasë vite apo dekada”, tha Zelenski gjatë fjalës së tij.

Ai theksoi se me kryeparlamentarin dhe kryeministrin e Ukrainës, do të nëshkruajë një deklaratë të përbashkët ku do të shprehet vendosmëria për anëtarësim në BE.

Presidentja e Komisionit Evropian, Ursula Von der Leyen iu drejtua me një fjalim ligjvënësve ukrainas.

Në Samitin e BE-së zhvilluar në Bruksel më 23 qershor, u vendos që Ukrainës t’i jepej statusi i vendit kandidat.

LEXONI GJITHASHTU

• Hyn në fuqi regjimi i vizave për rusët që duan të shkojnë në Ukrainë
• Rusia vijon me bombardimet në Ukrainë, nevojë për ndihma humanitare