Presidenti ukrainas, Volodimir Zelenski thotë se Ukraina shpreson të sigurojë armë të rënda nga Shtetet e Bashkuara të Amerikës, teksa pritet që ditën e sotme Sekretari amerikan i Shtetit Antoni Blinken të vizitojë Kievin.
- Advertisement -
Sipas Zelenskit, furnizimet me armë janë jetike për Ukrainën, në mënyrë që vendi të rimarrë përfundimisht territoret e pushtuara nga Rusia, shkruan Reuters.
“Sapo të kemi më shumë armë, më besoni, ne do të rimarrim menjëherë këtë territor i cili është i pushtuar përkohësisht”, u tha ai gazetarëve.
Ai paralajmëroi se Kievi do të hiqte dorë nga bisedimet me Moskën nëse Rusia do të vriste mbrojtësit e Mariupolit, apo do organizonte referendume për të krijuar më shumë republika të pavarura në tokën ukrainase.
LEXONI GJITHASHTU
- Frikë nga zgjerimi i luftës Rusi-Ukrainë
- Dështon armëpushimi për Pashkë, Rusia refuzon ofertën e BE-së
