Presidenti i Ukrainës, Volodimir Zelenski ka hedhur poshtë mundësinë për të pasur bisedime me liderët rusë në Moskë.

“Në emër të vendit tim, do të isha gati të vizitoja çdo vend në këtë planet. Por sigurisht jo tani dhe jo Moskën”, tha Zelenski gjatë një interviste për median ruse, Mediazona.

Intervista u shfaq teksa presidenti rus Vladimir Putin pretendoi fitoren në Mariupol, shkruan agjencia e lajmeve, Reuters.

Zelenski tha se Putin kishte bërë një gabim katastrofik duke pushtuar Ukrainën, teksa shtoi se populli rus do të vuajë nga papërgjegjshmëria e liderëve të Kremlinit.

“Që tani e tutje, shumë vende nuk do të shqetësohen më për pyetjen nëse dikush është rus i mirë apo i keq. Të gjithë rusët do të trajtohen keq. Rusia e ka arritur këtë. Në fund të fundit, nuk është puna ime, por kjo duhet të trembë popullin rus”, u shpreh Zelenski.

LEXONI GJITHASHTU

• Ukraina e gatshme të bisedojë me Rusinë për Mariupolin
• Putin heq dorë nga ndërhyrja në fabrikën e çelikut në Mariupol