Zelenski i kërkon Perëndimit të dëbojë turistët rusë

Presidenti ukrainas Volodimir Zelenski u ka bërë thirrje vendeve perëndimore që të ndalojnë të gjithë vizitorët rusë.

Rusët duhet të “jetojnë në botën e tyre derisa të ndryshojnë filozofinë e tyre”, tha Zelensky për The Washington Post.

Një ndalim i tillë, argumentoi ai, do të ishte më efektiv sesa sanksionet aktuale, të cilat ndalojnë linjat ajrore ruse dhe zyrtarët e lidhur me Kremlinin.

Rusët ende mund të marrin viza për BE dhe SHBA.

Thirrja e Zelenskit mund të marrë vetëm mbështetje të kufizuar, pasi Rusia – pavarësisht sanksioneve – ka lidhje të gjera biznesi globale dhe turistët rusë janë ende të mirëpritur në destinacionet e pushimeve si Egjipti, Turqia dhe Emiratet e Bashkuara Arabe.

Por të martën, kryeministrja e Estonisë Kaja Kallas shkroi në Twitter: “Ndaloni lëshimin e vizave turistike për rusët. Të vizitosh Evropën është një privilegj, jo një e drejtë njerëzore”.

Muajin e kaluar, ministri i Jashtëm Letonez Edgars Rinkevics i tha uebsajtit Politico se vendet e BE-së duhet të kufizojnë lëshimin e vizave për rusët, me një përjashtim për arsye humanitare.

LEXONI GJITHASHTU:

• Jo takimit Putin-Zelensky, Kremlini refuzon propozimin e Erdogan
• S’ka bisedime nëse Rusia mban referendume në zonat e pushtuara, thotë Zelenski