Zelenski i pranishëm online në samitin e NATO-s që zhvillohet në Madrid

Spanja bën me dije se presidenti Volodimir Zelenski do të marrë pjesë në samitin e NATO-s që do të zhvillohet javën e ardhshme në Madrid.

Edhe pse anëtarësimi i Ukrainës në aleancën ushtarake nuk është aspak realist, ky samit do të jetë një mundësi për Zelenski-n që të sigurojë më shumë mbështetje.

“Ukraina do të ketë një seancë speciale në kuadër të seancave të punës të këtij samiti dhe Presidenti Zelensky do të jetë i pranishëm përmes videokonferencës”, u shpreh ministri i Jashtëm i Spanjës.

Shefi i NATO-s Jens Stoltenberg deklaroi se pret që liderët e NATO-s në takimin e Madridit të bien dakord për të ndihmuar ushtrinë e Ukrainës që nga pajisjet e epokës sovjetike të përdorin armë moderne.

Gjatë një paneli diskutimi në Bruksel, Stoltenberg dha këtë paralajmërim.

“Çmimi që rrezikojmë të paguajmë nëse Putin del përpara duke përdorur forcën ushtarake kundër një shteti të pavarur demokratik në Evropë, do të jetë shumë më i lartë se çmimi që paguajmë sot për të mbështetur Ukrainën”, u shpreh ai.

Ndërkohë, sipas Ministrisë ruse të Mbrojtjes, sulmet ruse në lindje të Ukrainës po vrasin një numër të madh të trupave të Kievit. Zëdhënësi i saj pretendoi se deri në 500 ushtarakë ukrainas ishin vrarë në sulme me raketa në kantierin detar Okean në qytetin e Mykolaiv.

Moska ka mohuar se Ukraina ka depërtuar në mbrojtjen e saj ajrore përmes një sulmi me dron në një rafineri nafte ruse duke pretenduar  se ishte një akt terrorist.

LEXONI GJITHASHTU:

• Rusët sulmojnë qytetin Kharkiv, të paktën 15 viktima
• ‘Mos negocioni me Putin, është bandit’, ish-oligarku rus paralajmëron Evropën