Zelenski: Rusia po përpiqet të shkatërrojë jetën e njerëzve në Donbas

Presidenti i Ukrainës, Volodimir Zelenski tha se Rusia po bën gjithçka që mundet për të shkatërruar jetën e çdo personi në rajonin e Donbasit në lindje.

Zelenski ka akuzuar Rusinë për sulme të vazhdueshme ndaj infrastrukturës dhe zonave të banuara që “tregon se Moska dëshiron ta bëjë këtë zonë të pabanuar.”

Ai foli gjithashtu për sulmet me raketa në Kiev gjatë vizitës së Sekretarit të Përgjithshëm të OKB-së Antonio Guterres këtë javë, i cili tha se poshtërimi brutal i Kombeve të Bashkuara nga Rusia mbeti pa përgjigje.

“Fatkeqësisht, poshtërimi brutal i Kombeve të Bashkuara nga Rusia mbeti pa një përgjigje të fuqishme”, tha ai.

Në një deklaratë për mediat polake ai tha se shanset e bisedimeve të paqes janë “të larta.”

Megjithatë, ai tha se ishte ende gati të fliste me presidentin rus Vladimir Putin, sepse “një njeri i vetëm vendos gjithçka” në Rusi.

LEXONI GJITHASHTU

• Zelenski: I gatshëm për bisedime me Putin, pavarësisht masakrave në Ukrainë
• Zelenski reagon për sulmet ruse pas takimit me kreun e OKB-së