Zelenski: Rusia po përqëndron mijëra ushtarë për ofensivën e radhës

Presidenti i Ukrainës, Volodimir Zelenski deklaroi se Rusia do të përqëndrojë mijëra ushtarë për ofensivën e radhës ndaj vendit të tij.

Duke folur para ligjvënësve të Koresë së Jugut, ai tha se Rusia nuk do të ndalojë agresionin e saj, nëse nuk detyrohet të zmbrapset, shkuan agjencia e lajmeve, Reuters.

Disa analistë besojnë se tashmë Rusia po përqëndron ofensivën e saj në pjesën lindore të Ukrainës. Ndërkohë, autoritetet ruse dhe ata ukrainase kanë rënë dakord ditën e sotme, për hapjen e 9 korridoreve të reja humanitare.

Këto korridore, do të përdoren për evakuimin e civilëve nga Mariupoli, Zaporoshe dhe qytete të tjera në rajonin e Luhanskut.

Konflikti Rusi-Ukrainë nisi në orët e para të mëngjesit të 24 shkurtit, kur Presidenti rus, Vladimir Putin njoftoi se kishte urdhëruar fillimin e një operacioni ushtarak në drejtim të vendit fqinj.

Në ditën e 47-të, ende vijojnë luftimet midis ushtrive të të dy shteteve, teksa Bashkimi Europian ka ndërmarrë një sërë sanksionesh ndaj Rusisë, ku së fundmi u miratua embargoja ndaj naftës dhe qymyrit rus.

LEXONI GJITHASHTU

• 4,5 milionë refugjatë të larguar nga Ukraina, sipas OKB-së

• FOTO – Pasojat e luftës në qytetet e Ukrainës