Zelenski u kërkon ushtarëve rusë të tërhiqen nga lufta në Ukrainë

Në video-fjalimin e tij gjatë mesnatës, presidenti ukrainas Volodimir Zelenski foli në rusisht për t’u kërkuar trupave ruse të mos luftojnë në Ukrainë, shkruan Sky News.

Zelenski tha se edhe gjeneralët e Moskës presin që mijëra trupa të tyre të vdesin. Ai tha se Rusia kishte humbur më shumë se 23.000 ushtarë në atë që ai e përshkroi si një “luftë të pakuptimtë”.

Presidenti ukrainas akuzoi Moskën për rekrutimin e ushtarëve të rinj me pak motivim dhe pak përvojë luftarake, në mënyrë që njësitë e shkatërruara në fillim të luftës të mund të hidhen përsëri në betejë.

“Çdo ushtar rus ende mund të shpëtojë jetën e tij. Është më mirë për ju të mbijetoni në Rusi sesa të vdisni në tokën tonë”, tha Zelenski.

LEXONI GJITHASHTU:

• Zyrtarja e lartë amerikane vizitë të papritur në Kiev, takon Zelenskin
• Zelenski: Rusia po përpiqet të shkatërrojë jetën e njerëzve në Donbas