Zelensky akuzon Viktor Orban për tradhti ndaj Evropës në takimin e liderëve

Volodymyr Zelensky ka vënë në shënjestër kryeministrin hungarez, Viktor Orbán, duke e akuzuar atë për tradhti të liderëve të tjerë evropianë pas vizitës së fundit të Orban në Moskë.

Duke iu referuar fillimisht Putinit, Zelensky tha:

“Ai mund të përpiqet t’ju afrohet, ose të shkojë tek disa nga partnerët tuaj individualisht, duke u përpjekur t’ju tundojë ose t’ju bëjë presion për t’ju shantazhuar në mënyrë që njëri prej jush të tradhtojë të tjerët. Ne ruajmë unitetin tonë.”

Në një referencë të dukshme për vizitën e fundit të Orbanit për t’u takuar me Putinin në Moskë , ai shtoi:

“Nëse dikush në Evropë përpiqet të zgjidhë çështjet pas shpinës tonë, apo edhe në kurriz të dikujt tjetër, nëse dikush dëshiron të bëjë disa udhëtime në kryeqytetin e luftë për të folur – dhe ndoshta për të premtuar diçka kundër interesave tona të përbashkëta ose në kurriz të Ukrainës ose vendeve të tjera – atëherë pse duhet ta konsiderojmë një person të tillë?”

Këtë muaj, udhëheqësi hungarez udhëtoi në Moskë për atë që ai e cilësoi si “mision paqeje”, duke mbajtur një konferencë të përbashkët shtypi me Putinin, veprim ky që në skeën politike europiane ka ngjallur debate.

LEXONI GJITHASHTU:

• Biseda mes Orban dhe Putin zgjati tre orë: Çfarë thanë dy liderët pas takimit?
• Zelensky: Marrëveshja për Ukrainën, arritje e rëndësishme