Zelensky do të takohet me Trump-in për miratimin e raketave Tomahawk
Presidenti ukrainas Volodymyr Zelensky pritet të takohet me Presidentin Donald Trump në Shtëpinë e Bardhë të premten, njoftoi një zyrtari i administratës ukrainase.
Trump e konfirmoi këtë takim ndërsa fliste me gazetarët në bordin e Air Force One në rrugën e kthimit nga Lindja e Mesme, të hënën. I pyetur nëse do ta presë Zelensky-n të premten, Trump u përgjigj: “Mendoj se po, po”.
Ambasadorja e Ukrainës në Shtetet e Bashkuara, Olga Stefanishyna, konfirmoi gjithashtu se Trump e ftoi Zelensky në një takim këtë javë
Trump tha më herët të hënën se Shtetet e Bashkuara po shqyrtojnë miratimin e raketave Tomahawk për Ukrainën, duke shtuar se ato do të ishin “një hap i ri agresioni” në luftën e saj kundër Rusisë. Sigurimi i raketave me rreze të gjatë veprimi do të shënonte një nivel të ri të mbështetjes së SHBA-së për Ukrainën në luftë.
“Mund të mos e bëjmë, por mund ta bëjmë”, tha Trump në komente të veçanta për gazetarët në Air Force One. “Mendoj se është e përshtatshme ta përmendim – po, dua ta bëj. Dua ta shoh luftën të zgjidhur”, u shpreh ai.
Trump tha gjithashtu se ai dhe Zelensky diskutuan mundësinë e marrjes së raketave Tomahawk nga Ukraina në telefon gjatë fundjavës.
Ukraina teorikisht mund të përdorë raketat Tomahawk me rreze të gjatë veprimi për të goditur brenda Rusisë. Presidenti rus Vladimir Putin i ka paralajmëruar Shtetet e Bashkuara kundër furnizimit me armë, duke thënë këtë muaj se kjo do të ishte një “fazë cilësisht e re e përshkallëzimit, duke përfshirë edhe marrëdhëniet midis Rusisë dhe SHBA-së”.
Dmitry Medvedev, një zyrtar i lartë rus tha gjithashtu se dërgimi i raketave Tomahawk “mund të përfundojë keq për të gjithë, dhe para së gjithash, për vetë Trumpin”.
LEXONI GJITHASHTU:
Shtetësia nga lindja në SHBA, ekspertët: Trump mund të “shpërfillë” vendimin e Gjykatës
Droni rus përplaset në pishinën e mbyllur në Zaporizhia, katër të plagosur (VIDEO)
Sulmi masiv rus mbi Kiev, shkatërrohet plotësisht depoja humanitare e Kryqit të Kuq ukrainas
- 22:49 “Më shumë se futboll”: Bosnja para ndeshjes historike me SHBA-në
- 22:47 Parashikimi i Maradonës në vitin 2018: Në Kupën e Botës 2026, amerikanët do të copëtojnë ndeshjet në katër pjesë për reklamat!
- 22:39 Rama shpërndan deklaratën e avokatit: Një hap konstruktiv, nuk kemi kohë të humbim me BE-në! Protesta duhet të dialogojë me qeverinë
- 22:37 ‘Peshkaqenët blu’ të Botërorit, pse Kepi i Gjelbër është surpriza më e bukur e eventit?
- 22:33 Statistika: Jo vetëm cilësi, por edhe sasi, Olise është lojtari që ka përshkuar më shumë kilometra në ekipin e Francës
- 22:25 Gjermania prezanton paketën e reformave, ulje taksash dhe ndryshime në pensione e tregun e punës