Zelensky: Po punojmë në zhvillimin e sistemeve të reja të mbrojtjes ajrore

22 Nëntor 2024 | 20:18

Presidenti ukrainas, Volodymyr Zelensky, tha se shteti i tij po punon në zhvillimin e llojeve të reja të sistemeve të mbrojtjes ajrore për t’u përballur me “rreziqet e reja”, pasi Rusia përdori një ditë më herët një raketë të re balistike me rreze të mesme veprimi.

Zelensky, në video-adresimin e tij më 22 nëntor, tha se testimi i një arme të re me qëllim që ta terrorizojë një shtet tjetër, përbën “krim ndërkombëtar”. Ai kërkoi nga faktori ndërkombëtar të përgjigjet në mënyrë që ta frenojë Rusinë nga zgjerimi i luftës, që ka nisur më 2022.

“Në emrin tim, Ministria e Mbrojtjes e Ukrainës veçse po mban takime me partnerët tanë sa u përket sistemeve të reja të mbrojtjes ajrore që janë të afta të mbrojnë jetë njerëzish nga rreziqet e reja”, tha Zelensky.

“Kur dikush nis të përdor shtete të tjera jo vetëm për terror, por edhe për testim të raketave të tyre të reja përmes akteve të terrorit, atëherë kjo qartazi është krim ndërkombëtar”, shtoi ai.

Po të premten, presidenti rus, Vladimir Putin, tha se shteti i tij do të vazhdojë të testojë raketën e re edhe në “kushte luftuese”.

Rusia e ka përdorur të ashtuquajturën raketë hipersonike, Oreshnik, kundër Ukrainës më 21 nëntor, kur sulmoi qytetin Dnipro.

Zelensky ndërkaq u bëri thirrje ukrainasve të jenë vigjilentë, teksa Rusia po vazhdon sulmet.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Franca, Spanja dhe Holanda dërgojnë ekipe kërkim-shpëtimi në Venezuelë

Presidenti francez, Emmanuel Macron tha se një ekip prej 85 specialistësh francezë në operacionet e kërkim-shpëtimit po dërgohet menjëherë në Venezuelë. Macron foli me presidenten...
14:25 | 25/06/2026

Kupa e Botës, momenti kur makina merr përpara tifozët në Meksikë. Disa të plagosur (VIDEO)

Një automjet ka marrë përpara një turmë njerëzish që ishin mbledhur në vendpushimin e njohur turistik të Cabo San Lucas, pasi Meksika fitoi një ndeshje...
14:19 | 25/06/2026

Studimi: Emigracioni ka nxitur ndjeshëm rritjen ekonomike në vendet e pasura

Kombet e pasura me shkallën më të lartë të emigracionit gjatë 35 viteve të fundit përfituan një përfitim të madh ekonomik dhe shumë prej tyre...
13:52 | 25/06/2026