Zelensky shkarkon komandantin e Forcave Ajrore të Ukrainës

Presidenti ukrainas Volodymyr Zelensky ka shkarkuar komandantin e Forcave Ajrore të vendit, Mykola Oleshchuk.

Sipas mediave të huaja, shkarkimi u njoftua të premten në një dekret presidencial.

Nuk kishte asnjë shpjegim të menjëhershëm nga Zelensky për vendimin e tij, por ai vjen disa ditë pasi një pilot ukrainas u vra kur avioni i tij F-16 u rrëzua të hënën.

Nënkoloneli Oleksiy Mes u vra ndërsa mbronte qiellin e Ukrainës me një avion luftarak të dhuruar nga perëndimi.

Deputetja ukrainase Mariana Bezuhla ka pretenduar se avioni është rrëzuar nga sistemi i raketave anti-ajrore të vendit.

Në përgjigje të zonjës Bezuhla përpara shkarkimit të tij, gjenerallejtënant Oleshchuk tha se komentet e saj ishin një “mjet për të diskredituar udhëheqjen e lartë ushtarake”.

Mariana, do të vijë koha që do t’i kërkosh falje gjithë ushtrisë për atë që ke bërë, shpresoj në gjykatë!”, shtoi ai.

LEXONI GJITHASHTU:

• Një F-16 raportohet të jetë rrëzuar në Ukrainë këtë javë
• Ukraina vëzhgon me vëmendje kufirin me Bjellorusinë, ndërsa trupat grumbullohen