Presidenti ukrainas Volodymyr Zelensky tha të premten nga Shtëpia e Bardhë ku ndodhet në një takim me Presidentin e SHBA se mendon se Donald Trump është “në anën Ukrainës”

Zelensky shtoi “Dua të diskutoj se çfarë do të jenë gati të bëjnë SHBA”, duke thënë se presidenti rus Vladimir Putin duhet të ndalet.

Trump thotë se do të ishte mirë nëse ai dhe Zelensky mund të ndalojnë luftën midis Rusisë dhe Ukrainës.

Zelensky më pas thotë se nuk duhet të ketë “kompromise” me presidentin rus Vladimir Putin në negociatat për një marrëveshje paqeje.

Ai i tregon Trumpit fotografi të mizorive të luftës dhe shton: “Unë mendoj se Presidenti Trump është në anën tonë”.

Një gazetar e pyet Presidentin Trump: A do të dërgoni më shumë armë në Ukrainë në rast se nuk ka paqe?”

Trump përgjigjet: “Ne nuk po presim me padurim të dërgojmë shumë armë, ne po presim me padurim të mbarojmë luftën.

Ai shton: “Përgjigja është po. Por shpresojmë se nuk do të na duhet të dërgojmë shumë sepse mezi pres ta mbarojmë atë.”

Presidenti amerikan thotë se ai “e vlerëson marrëveshjen minerale sepse SHBA kishte nevojë për atë që Ukrina kishte”, duke shtuar: “Vendi ynë tani trajtohet në mënyrë të drejtë”.

Presidenti ukrainas Volodymyr Zelensky mbërriti në Shtëpinë e Bardhë këtë të premte. Ai u prit nga homologu i tij amerikan, Donald Trump, me të cilin pritet të nënshkruajë një marrëveshje për mineralet strategjike.

• Zelensky mbërrin në Shtëpinë e Bardhë për bisedime mbi marrëveshjen e mineraleve
• Eksperti zbulon lidhjet e Trump me familjen mbretërore dhe takimin me Starmer