Zelensky: 10 civilë u vranë në një sulm rus në qytetin e Donetsk

Presidenti ukrainas Volodymyr Zelensky tha se 10 civilë u vranë të mërkurën në një sulm me raketa ruse në qytetin Kurakhove në Donetsk.

Po ashtu ai shtoi se të vrarë kanë mbetur dhe katër oficerë policie si pasojë e minave që shpërthyen në Kherson në jug.

Zelensky akuzoi ushtrinë ruse për “një goditje shumë brutale, absolutisht të qëllimshme në Kurakhove, pikërisht ndaj civilëve”.

Ai tha se betejat vazhdojnë të tërbohen rreth Bakhmutit në Donetsk.

Zelensky tha se mes të vdekurve në Kherson ishte shefi i policisë së rajonit Cherkasy në Ukrainën veriore, Mykhailo Kuratchenko, i cili kishte shkuar në jug për të ndihmuar me masat “stabilizuese” pasi Kherson u çlirua muajin e kaluar.

LEXONI GJITHASHTU: 

• Ministri i Mbrojtjes së Serbisë: Kurti kërkon të shpërngulë serbët nga Kosova
• “Paketa anti-korrupsion”, Tabaku depoziton në Kuvend 5 ndryshime ligjore
• Irani ekzekuton të riun për protestat anti-qeveritare, akuzat që u ngritën