“Paketa anti-korrupsion”, Tabaku depoziton në Kuvend 5 ndryshime ligjore

Deputetja e Partisë Demokratike, njëherësh kryetarja e Komisionit të Integrimit Jorida Tabaku, ka prezantuar dhe depozituar në Kuvend 5 ndryshime ligjore të pjesës së “Paketës Anti-korrupsion”.

Në një deklaratë për mediat në Kryesinë e Parlamentit, Tabaku deklaroi se kjo nismë vjen për t’i ardhur në ndihmë Shqipërisë, pasi korrupsioni është kthyer në gangrenë, ndërsa të gjithë raportet ndërkombëtare drejtojnë gishtin tek problemi korrupsionit.

Tabaku bëri të ditur 5 projektligjet në të cilat ka propozuar amendimet përkatëse, të cilat janë, Ligji për Prokurimet Publike, Ligji për Koncesionet dhe Partneritetin Publik dhe Privat, Ligji për Planifikimin dhe Rregullimin e Territorit, Ligji për Investimet Strategjike dhe Ligji për Komisionet Hetimore.

“Të gjitha këto sot sigurisht që janë realitet që çdo shqiptar e ndjen çdo ditë në jetën e tij të përditshme, por në ditën e luftës ndaj korrupsionit, në 8 Dhjetor, në emër të grupit parlamentar të Partisë Demokratike, unë do të prezantoj një paketë me 5 ligje që ne do të lançojmë sot. Kjo sigurisht që nuk do të kufizohet në vetëm këto propozime, por do të vazhdojë dhe do të pasurohet njëkohësisht dhe me propozime të tjera në kohë”, theksoi ajo.

LEXONI GJITHASHTU

• Nesër seanca gjyqësore për Gert Shehun, dy akuzat që rëndojnë mbi të
• FOTO| Momenti kur Gert Shehu mbërriti në spital
• Mjeku i Gert Shehut: Në gusht e rekomandova në urgjencën e psikiatrisë