Zelensky: Trump ushtroi më shumë presion ndaj Ukrainës se ndaj Rusisë

Presidenti ukrainas Volodymyr Zelenskyy deklaroi se ish-presidenti amerikan Donald Trump ka ushtruar më shumë presion ndaj Ukrainës sesa ndaj Rusisë gjatë përpjekjeve për të ndërmjetësuar paqen mes dy vendeve.

Duke folur në një konferencë për shtyp në Ankara, Zelenskyy tha se Trump kishte synuar të ushtronte presion mbi të dyja palët për të nxitur përfundimin e luftës, por sipas tij, Ukraina ka ndjerë më shumë presion nga ana e SHBA-ve se sa Rusia.

“Presidenti Trump mendoi se do të ndihmonte t’i bënte presion të dyja palëve – mendoj se ata na bënë presion më shumë sesa rusët,” u shpreh Zelenskyy, përmes një përkthyesi.

Ai theksoi se Ukraina po lufton për mbijetesë dhe sovranitetin e saj, duke mohuar çdo akuzë për agresion: “Ne nuk jemi të gatshëm të humbasim jetën dhe tokën tonë. Kjo nuk do të thotë se jemi agresorë.”

Zelenskyy nënvizoi se Ukraina ka vendosur parakushte të qarta përpara çdo negociate me Rusinë, vend i cili nisi një pushtim të plotë të territorit ukrainas në vitin 2022. Ai gjithashtu theksoi se Kievi ka ndjekur të gjitha hapat diplomatikë të kërkuar nga partnerët ndërkombëtarë, përfshirë Shtetet e Bashkuara.

“Nëse Amerika i ka ndërmarrë ato hapa… ne i kemi ndjekur ato hapa dhe jo vetëm ato hapa, por ka pasur shumë hapa diplomatikë,” shtoi presidenti ukrainas.

Këto komente vijnë në një moment kur diplomacia ndërkombëtare po kërkon mënyra për të ringjallur bisedimet e paqes mes Kievit dhe Moskës, mes tensioneve të vazhdueshme në rajon.

LEXONI GJITHASHTU:

• Trump: SHBA-ja do ta bënte Gazën “zonë të lirisë”
• Rama pret Presidentin e KiE: Synimi, mbyllja e negociatave me BE deri në vitin 2027