Në një përditësim mbi situatën në rajonin e Kurskut, Presidenti ukrainas Volodymyr Zelensky tha se Ukraina tani kontrollon më shumë se 1300 km katrorë atje.

Sipas mediave të huaja, komentet Zelensky i bëri duke folur në bazën ajrore amerikane Ramstein në Gjermaninë perëndimore këtë mëngjes.

Ai u kërkoi gjithashtu aleatëve ushtarakë të injorojnë “vijat e kuqe” të Moskës dhe të lejojnë Kievin të përdorë armë me rreze të gjatë për sulme në territorin rus.

“Ne duhet t’i kemi këto aftësi me rreze të gjatë jo vetëm në territorin e Ukrainës, por edhe në territorin rus, në mënyrë që Rusia të motivohet për të kërkuar paqen,” tha ai në takimin e rreth 50 vendeve që furnizojnë Ukrainën me armë.

Çfarë po ndodh në rajonin e Kurskut?

Në fillim të gushtit, trupat ukrainase filluan një sulm të befasishëm në rajonin Kursk të Rusisë.

Zelenskyy tha se masa ishte për të “mbajtur” territorin dhe ishte një pjesë kyçe e “planit të tij të fitores” për t’i dhënë fund luftës.

Pushtimi u mbajt i fshehtë për aleatët dhe thuhet se u organizua nga vetë shërbimi inteligjent i Ukrainës.

Por deri më tani sulmi i befasishëm brenda territorit të Kurskut nuk e ka tërhequr fokusin e Vladimir Putin nga marrja e qytetit ukrainas të Pokrovsk, i cili ofron lidhje kritike hekurudhore dhe furnizimi për ushtrinë ukrainase.

Humbja e Pokrovsk mund të rrezikojë qytete të tjera të Ukrainës.

LEXONI GJITHASHTU:

• Presidenti Zelensky emëron ministrin e ri të Jashtëm të Ukrainës
• Rrëzimi avionit F-16, Zelensky shkarkon komandantin e rëndësishëm të ushtrisë