Zgjedhje në Kosovë? Sylë Ukshini: Nuk do duhej, Kurti duhet të çojë para dialogun

Ish-ambasadori i Kosovës Sylë Ukshini tha në një intervistë për Euronews Albania se Kosovës nuk i duhet të futet në zgjedhje të parakohshme.

Sipas tij është më mirë që qeveria ta bëj ciklin e plotë dhe të vazhdojë procesin e dialogut, pasi në të kundërt, do të humbisnin kohë e cila do të ishte në dëm të Kosovës.

Ai tha se edhe ndërkombëtarëve u intereson më tepër që procesi i asociacionit të kryhet me Kurtin në pushtet.

“Unë personalisht nuk do doja të shkojmë në zgjedhje sepse është mirë të krijojmë një stabilitet institucional që çdo qeveri ta ketë mandatin e fortë. Nëse ndryshojnë rrethanat t’i i jep një alibi kryeministrit të thotë, i kisha gjërat gati por nuk më lanë, mendoj se cikli duhet të jetë i plotë.

Duke qenë se është dialogu, asociacioni dhe shumë gjëra, Kosovës i konvenon të mos futet në zgjedhje. Nëse futemi në zgjedhje ne do humbasim shumë kohë. Unë mendoj se edhe bashkësia ndërkombëtare është e interesuar që me Kurtion në pushtet të kryejë asociacionin dhe disa detyra që kishte marrë Kosova”,-tha ish-ambasadori.

LEXONI GJITHASHTU:

• “Tensioni me Shqipërinë nuk duhej!” Ish-ambasadori: Mesazh i gabuar para aleatëve
• Pas protestave masive, Bullgaria ndryshon ligjin për mbrojtje nga dhuna në familje