Zgjedhjet e 6 marsit, Meta thirrje qytetarëve për pjesëmarrje

Presidenti Ilir Meta iu ka bërë thirrje qytetarëve me të drejtë vote në 6 bashkitë që të marrin pjesë në zgjedhjet e pjesshme vendore të 6 marsit.

“Nuk duhet humbur mundësia për çdo qytetar të tregojë forcën dhe vullnetin e tij për të zgjedhur kandidatin apo kandidaten më të mirë që do të drejtojë bashkinë e tyre në të ardhmen”, shprehet kreu i shtetit në një postim në Facebook.

Presidenti nënvizon se vota është forca e vetme dhe e vërtetë e qytetarit në demokraci.

Këtë të shtunë nisi fushata për zgjedhjet e pjesshme vendore të 6 Marsit në bashkitë Durrës, Shkodër, Dibër, Vorë, Lushnjë dhe Rrogozhinë.

Në garë janë 19 kandidatë për 6 bashkitë.

LEXONI GJITHASHTU:

• Nis fushata për zgjedhjet e pjesshme, 18 kandidatë për 6 kryetarë bashkie