Zgjedhjet e mesmandatit në SHBA, analistët: Luftë për kontrollin e Xhorxhias

Ndërsa numërimi vazhdon në disa nga shtetet kyçe, gjasat janë që rezultati i zgjedhjeve të mesmandatit në Shtetet e Bashkuara të dalin në fillim të dhjetorit, pas një balotazhi mes kandidatëve për senator të Xhorxhias.

Kjo, pasi as demokrati Raphael Warnock dhe as rivali republikan Hershel Walker arritën 50 për qind të votave ditën e martë. Sipas analistëve, e ardhmja e politikës amerikane do të jetë në duart e qytetarëve të Xhorxhias.

“Do të ketë derdhje të parave nga jashtë. Do të shohim strategët e fushatave të mbërrijnë në Xhorxhia. Do të ketë emra të njohur të politikës dhe njerëz të famshëm që do të përfshihen në betejë. Të gjitha këto e ndryshojnë ndjeshëm karakterin e zgjedhjeve”, thotë Thomas Gift, drejtor i Qendrës për Politikat Amerikane, Universiteti i Londrës.

Sapo pluhuri i zgjedhjeve të jetë asgjësuar, vëmendja do të zhvendoset tek beteja e brendshme e republikanëve. Pas performancës së fortë në Florida, guvernatori Ron De Santis duket një sfidant i fortë i Donald Trump për presidencialet e 2024-s.

“Mendoj se Trump duhet të konsiderohet ende favorit në këtë pikë. Por vrulli që De Santis ka në këto momente, në një kohë kur republikanët dështuan dhe ai triumfoi, do ta ndihmojë atë të tejkalojë pengesat në Partinë Republikane. Mendoj se është koha që figura e Trump të lëvizet. Na duhet një kandidat që mund të tërheqë më shumë popullsinë”, shprehet Thomas Gift, drejtor i Qendrës për Politikat Amerikane, Universiteti i Londrës.

Zgjedhjet e mesmandatit treguan edhe njëherë se sa të përçarë në mënyrë të barabartë janë votuesit amerikanë. Por nga ana tjetër ka lehtësim nga fakti se nuk pati protesta kundër rezultateve.

LEXONI GJITHASHTU:

• Zgjedhjet e mesmandatit në SHBA, republikanët nuk arrijnë pritshmëritë
• Biden në dilemë për rikandidimin: Vendos pas zgjedhjeve të mesmandatit