Zgjedhjet e mesmandatit në SHBA, republikanët nuk arrijnë pritshmëritë

Ata mund t’i fitojnë ende të dyja dhomat e Kongresit, por rezultatet e pjesshme në zgjedhjet amerikane të mesmandatit janë zhgënjyese për republikanët. Ndryshe nga sa pritej, demokratët kanë performuar më mirë.

Një prej fitoreve kyçe të demokratëve është ajo e John Fetterman për përfaqësuesin e Senatit në Pensilvani, përballë kandidatit të mbështetur nga Donald Trump, Mehmet Oz.

Por republikanët përforcuan pozitat në bastione të tjera. Marco Rubio, për shembull, mbajti vendin e tij në Senat në shtetin e Floridës, ku Ron de Santis fitoi një mandat të dytë si guvernator.

“Kemi arritur shumë më tepër nga sa imagjinohej 4 vjet më parë, por kemi ende shumë punë për të bërë. Personalisht, sapo kam filluar luftën”, Ron De Santis, guvernator i Floridës.

Beteja elektorale mund të përcaktojë fatin e Donald Trump për presidencialet e vitit 2024. Në orët e fundit ai bëri të ditur se më 15 nëntor do të bëjë një njoftim të rëndësishëm. Sidoqoftë, kandidatët e tij kanë pasur një performancë të dobët, gjë që mund t’i bëjë atij të ndërrojë mendje për kandidimin.

Këto zgjedhje do vendosin se kush do të dominojë Kongresin dhe kush do të mbajë postet kyçe në disa shtete. Në shtete si Arizona, Xhorxhia dhe Nevada rezultatet do të kërkojnë disa ditë dhe vetëm atëherë do të mësohet nëse balanca e pushtetit në Uashington ka ndryshuar.

LEXONI GJITHASHTU

• Zgjedhjet në SHBA, garë e ngushtë mes republikanëve dhe demokratëve

• Biden rrezikon humbjen në zgjedhjet për kontrollin e Kongresit
• Sa rrezikon të shkarkohet Biden pas zgjedhjeve të nesërme? Po me Ukrainën ç’ndodh?