Zgjedhjet në SHBA, garë e ngushtë mes republikanëve dhe demokratëve

Pas zgjedhjeve të së martës në Shtetet e Bashkuara, ende nuk dihet se kush do të ketë kontrollin e Kongresit amerikan, duke lënë të paqartë nëse republikanët do të marrin kontrollin nga demokratët e presidentit Joe Biden.

Kongresi amerikan përbëhet nga dy institucione: Dhoma e Përfaqësuesve dhe Senati amerikan.

Sipas mediave dhe rezultateve paraprake, në Dhomën e Përfaqësuesve më së shumti ulëse kanë fituar republikanët, gjithsej 197, kundrejt demokratëve që kanë marrë 173.

Dhoma e Përfaqësuesve përbëhet nga 435 ligjvënës.

Por, gara për Senatin amerikan është më e ashpër, pasi ajo mbetet ende e hapur në disa shtete kyçe. 48 ulëse deri më tani kanë marrë demokratët dhe 47 republikanët.

LEXONI GJITHASHTU

• Biden rrezikon humbjen në zgjedhjet për kontrollin e Kongresit
• Sa rrezikon të shkarkohet Biden pas zgjedhjeve të nesërme? Po me Ukrainën ç’ndodh?
• ‘Lufta do kishte nisur që para 4 vitesh’ video shokuese e njeriut të Putinit