Zgjedhjet gjermane: Votuesit dalin për të vendosur qeverinë e ardhshme

Qendrat e votimit janë hapur në të gjithë Gjermaninë për zgjedhjet e parakohshme për Bundestagun (parlamentin) të vendit.

Në përgjithësi, 4,506 kandidatë, me pothuajse një të tretën e tyre gra, po konkurrojnë për 630 vende në Bundestag. Rreth 59.2 milionë gjermanë me të drejtë vote do të formojnë parlamentin e ri gjerman. Pas zgjedhjeve dhe shpërndarjes së mandateve, së bashku me kancelarin e ri të vendit do të formohet qeveria e re gjermane.

Në zgjedhjet parlamentare marrin pjesë gjithsej 29 parti politike. Megjithatë, vetëm blloku konservator i Unioneve Kristian Demokratike dhe Kristian Social (CDU/CSU), Partia Social Demokrate e Gjermanisë (SPD), të Gjelbërit, Partia Alternativa për Gjermaninë (AfD), Partia e Majtë, Partia Demokratike e Lirë (FDP) dhe Aleanca Sahra Wagenknecht – Arsyeja dhe Drejtësia (BSW) kanë shanse reale për të hyrë në parlament.

Qendrat e votimit do të jenë të hapura deri në orën 18:00 me orën lokale. Menjëherë pas mbylljes së tyre, kanalet televizive ARD dhe ZDF do të bëjnë publike të dhënat e para të exit poll-it dhe përfaqësuesit e partive politike do të fillojnë të bëjnë komentet e tyre të para. Komisioni Qendror i Zgjedhjeve i vendit pritet të publikojë rezultatet preliminare zyrtare brenda natës deri më 24 shkurt dhe rezultatet përfundimtare do të bëhen publike në ditët në vijim.

Sondazhi i opinionit publik sugjeron se blloku CDU/CSU do të shënojë një fitore bindëse me rreth 29-30% të votave të elektorëve. Alternativa e ekstremit të djathtë për Gjermaninë pritet të vijë pas me 20-22% të votave ose më shumë se dyfishi i shifrës që tregoi në 2021. Socialdemokratët mund të presin vetëm një vend të tretë me rreth 15-16% të votave.

LEXONI GJITHASHTU:

• Gjermania përballet me një zgjedhje të rëndësishme: Çfarë pritet nga votimet e sotme
• Zgjedhjet në Gjermani, Merz dhe Scholz mbajnë mitingjet finale