Zgjedhjet lokale të së dielës në Turqi, Erdogan synon të rifitojë Stambollin

Këtë të dielë qytetarët turq u drejtohen kutive të votimit në zgjedhjet lokale.

Me një fushatë të ashpër presidenti i Turqisë, Rexhep Tajip Erdogan, i mbështetur nga një paraqitje e fortë në zgjedhjet e përgjithshme të vitit të kaluar, synon të fitojë përsëri Stambollin. Opozita e kryesuar Partia Popullore Republikane (CHP) rifitoi kontrollin e qytetit në vitin 2019 për herë të parë që kur Erdogan e sundoi atë si kryetar bashkie në vitet 1990.

Në zgjedhjet e vitit 2019 opozita fitoi kryeqytetin, Ankaranë dhe vijojë të mbajë pushtetin në qytetin vendimtar të Egjeut, Izmir, duke shkatërruar imazhin e Erdoganit për pathyeshmërinë politike. Erdogan i ka besuar ish-ministrit të tij të mjedisit, Murat Kurum, të kandidojë për kryebashkiak të Stambollit në zgjedhjet e 31 marsit.

Ai po kërkon të hakmerret për humbjen më të rëndë politike të sundimit të tij dy dekadash, kur rivali Ekrem İmamoğlu mori bashkinë. Erdogan i ka bërë të qarta synimet për të rifituar Stambollin, qyteti ku ai u rrit dhe ku filloi karrierën e tij politike si kryetar bashkie në vitin 1994.

Karakterizuar edhe nga një fushatë aspak e lehtë me akuza për dezinformim, janë qytetarët turq ata që do të vendosin fatin e tyre.

LEXONI GJITHASHTU:

• Zgjedhjet lokale në Turqi, gazetari: Kush merr Stambollin, drejton vendin
• Turqia “blindohet” për zgjedhje, mbi 600 mijë forca në terren