Zgjedhjet në veri, Kosova nis procedurat për udhëzimin e ri administrativ

Qeveria e Kosovës ka nisur procedurat për hartimin e një udhëzimi administrative i cili do të përdoret si bazë ligjore për organizimin e zgjedhjeve të jashtëzakonshme në veri të vendit.

Ministri i pushtetit lokal, Elbert Krasniqi, tha se ky udhëzim do të jetë i gatshëm në shtator dhe bazohet në ligjin për vetëqeverisjen lokale.

“Ky nuk është një udhëzim administrativ për veriun e Kosovës, por buron nga ligji për qeverisje lokale”, -tha Elbert Krasniqi, ministër i administrimit të pushtetit lokal

Por, pse nevojitet ky udhëzim administrativ, nëse ligji aktual parashikon procedurat. Arsyet i tregojnë njohësit e këtyre çështjeve.

“Ajo që nuk është rregulluar me ligj duhet të rregullohet me ligj, në këtë rast ministria po synon ta rregulloj përmes udhëzimit administrativ”, -tha  Ehat Miftari, IKD

Megjithatë,  sipas opozitës, peticioni nuk është mënyra më e mirë pasi mund të keqpërdoret.

“Nuk besoj se ky mekanizmi i peticionit është mjet adekuat për të zgjidhur problemet politike, sepse kjo mund të riciklohet”,-tha Imri Ahmeti, LDK

Edhe Miftaraj thotë se peticioni nuk është zgjidhja e duhur.

“Zgjidhja më e lehtë më e pranueshme dhe e shpejtë e pa shpenzime financiare është dorëheqja e kryetarëve të komunave në pjesën veriore”,-tha ai.

Për Bashkimin Europian dorëheqja e kryetarëve të komunave veriore nga detyra është mënyra më e mirë dhe më e shpejt për të shkuar në zgjedhje, por diçka e tillë ka qenë e papranueshme për institucionet e shtetit të Kosovës.

LEXONI GJITHASHTU:

• VIDEO| Ariu thyen kafazin dhe “arratiset” nga avioni, shtyhet fluturimi në Dubai
• “Reagim më i fortë ndaj Vuçiç”, politikanë të disa shteteve letër BE dhe SHBA-së