Prej mëngjesit të sotëm ka nisur shpërndarja e materialeve zgjedhore në KZAZ nr. 70, e cila mbulon gjithsej 106 Qendra Votimi në Pogradec, Mokër dhe fshatrat e Sipërm dhe të Poshtëm.

Sipas komisioneve të përcaktuara nga partitë politike, po bëhet tërheqja e kutive dhe materialeve të tjera zgjedhore për t’i vendosur në Qendrat e Votimit në qytetin e Pogradecit dhe zonat përreth.

Deri tani, procesi ka shkuar pa probleme dhe shpërndarja pritet të përfundojë brenda ditës së sotme, me qëllim që të gjitha materialet të jenë gati për ditën e nesërme, kur do të zhvillohet procesi i votimit. Objektet ku do të vendosen materialet zgjedhore do të mbahen nën ruajtjen e policisë deri në hapjen e qendrave për votim.

LEXONI GJITHASHTU:

• Vlora gati për zgjedhjet e 11 majit, fillon shpërndarja e materialeve zgjedhore
• Diaspora mund të vendos një mandat në Korçë, ja numrat e votuesve