Asllan Dogjani ka depozituar këtë të enjte kërkesën për të marrë pjesë në primaret e PD-së për Bashkinë e Kamzës.
“Vizioni im është për një qytet më të sigurt, të pastër, të zhvilluar ku ekonomia të rritet për të gjithë; ku fëmijët tanë të rriten të shëndetshëm dhe të suksesshëm në shkolla; ku familjet të mos kenë nevojë të rrezikojnë jetët e tyre (siç ndodh sot) për të shkuar në emigracion, por të jetojnë me respekt dhe dinjitet në vendin e tyre .
Vizioni im është që me punë ta bëjmë Kamzën një qytet europian me mundësi e hapësira të barabarta për të gjithë, me parqe e lulishte, rrugë me standarde e cilësi te lartë. Do krijoj një mjedis miqësor për biznesin dhe sipërmarrësit”, u shpreh ish-deputeti gjatë një deklarate për mediat.
Emri i Dogjanit është i pari që ka dalë për Bashkinë e Kamzës, ndërkohë që në media është përfolur edhe emri i Xhelal Mziut.
Gjithashtu ka shprehur interes për të marrë pjesë në primaret për këtë bashki edhe ish-drejtuesi i Lartë i Policisë së Shtetit, Shemsi Prençi.
- Shemsi Prençi: Meta dhe Berisha, zyrtarë korrektë dhe vizionarë
- Shemsi Prençi rendit arsyet: Pse iu bashkova Berishës pas kritikave
- Shtyhet vendimi i Apelit për statutin e PD
