Vietnami ka zgjedhur Luong Cuong, 67 vjeç, një gjeneral ushtrie, si presidentin e ri, duke u bërë zyrtari i katërt në këtë pozicion në 18 muajt e fundit.

Asambleja Kombëtare zgjodhi Cuong si pasardhësin e To Lam, i cili ka mbajtur postin deri më tani, megjithëse ai u emërua zyrtarisht si sekretar i përgjithshëm i Partisë Komuniste në gusht, raportoi CNN.

Roli i Sekretarit të Përgjithshëm është më i fuqishmi në Vietnam, ndërsa pozita e Presidentit është posti i dytë më i lartë.

Në fjalën e tij, Cuong premtoi të ndiqte një politikë të jashtme që përpiqet për pavarësi dhe paqe, duke promovuar Vietnamin si “një mik, një partner të besueshëm dhe një anëtar aktiv dhe të përgjegjshëm të komunitetit ndërkombëtar”.

Cuong, i cili ka shërbyer në ushtrinë e Vietnamit për më shumë se 40 vjet dhe ka qenë anëtar i Byrosë Politike që nga viti 2021, u emërua pas muajsh paqëndrueshmërie politike dhe vdekjes së ish-Sekretarit të Përgjithshëm Nguyen Phu Trong.

Instalimi i Cuong si president shihet si “një hap drejt stabilizimit të sistemit” pas një periudhe turbulence, tha analisti Nguyen Kac Giang.

“Instalimi i Luong Cuong paraqet një mundësi për të rivendosur ekuilibrin midis ushtrisë së Vietnamit dhe fraksioneve të sigurisë, veçanërisht përpara Kongresit të Partisë 2026,” tha ai.

Kritikët kanë shprehur shqetësimin se emërimi i Cuong mund të çojë në rritje të shtypjes në Vietnam.