Zhbllokimi i ndihmës 50 miliardë euro për Ukrainën, reagon Zelensky

Presidenti ukrainas, Volodymyr Zelensky, ka reaguar pas miratimit të ndhimës 50 miliardë euro nga Bashkimi Evropian.

Përmes një postimi në rrjetin social X, Zelensky ka vlerësuar mbështetjen e dhënë se përmes saj do të forcohet stabiliteti afatgjatë ekonomik dhe financar i vendit, i cili është po aq i rëndësishëm sa ndihma ekonomike.

“Falënderojë Charle Michel dhe liderët e BE-së për fondin për Ukrainën prej 50 miliardë eurosh për periudhën 2024-2027. Është shumë e rëndësishme që vendimi është marrë nga të 27 liderët, gjë që dëshmon edhe një herë unitetin e fortë të BE-së. Mbështetja e vazhdueshme financiare e BE-së për Ukrainën do të forcojë stabilitetin afatgjatë ekonomik dhe financiar, i cili nuk është më pak i rëndësishëm sesa ndihma ushtarake dhe presioni i sanksioneve ndaj Rusisë, ka shkruar Zelensky në X.

Një paketë e tillë e ndihmës ishte bllokuar dhjetorin e kaluar nga kryeministri i Hungarisë, Viktor Orban.

Agjencia gjermane e lajmeve, Dpa, që ka parë një kopje të vendimit, tha se në të thuhet që liderët e BE-së “do të mbajnë një debat të përvitshëm” për zbatimin e shpërndarjes së fondeve për Ukrainën dhe “nëse është e nevojshme, pas dy vjetësh, Këshilli Evropian do të ftojë Komisionin Evropian që të bëjë propozim për rishikimin” e financimit.

Ukraina ka nevojë urgjente për ndihmë financiare dhe ushtarake, në mes të sinjaleve për një lodhje politike të Perëndimit përderisa pushtimi rus i Ukrainës është afër dyvjetorit.

Duke shtuar shqetësimet e Kievit, një projektligj shtesë për shqetësimet që përfshin 61 miliardë dollarë ndihmë për Ukrainën është bllokuar nga Kongresi amerikan, mes kundërshtimeve të ligjvënësve republikanë.

LEXONI GJITHASHTU:

• FT: Zelensky po përgatitet për të zëvendësuar Komandantin e Përgjithshëm të Ushtrisë
• Kush është gjenerali që po kërcënon Zelenskyn? Analisti: E duan qytetarët, superhero