Ilda Zhulali, eksperte e çështjeve ndërkombëtare tha në emisionin Now në Euronews Albania se në planin e prezantuar në Bruksel mes Kosovës dhe Serbisë ka elementë shumë të rëndësishëm që e njohin shtetin e Kosovës në të gjithë tërësinë e vet pa i vendosur emrin.

Sipas saj, Kosova duhet ta përdorë këtë mundësi që serbët të integrohen në jetën publike në Kosovë.

“Besoj se BE dhe SHBA nuk synojnë ta bosnjëzojnë Kosovën dhe të forcojnë botën serbe në Kosovë. Kosova duhet ta përdorë këtë mundësi që serbët të integrohen në jetën publike në Kosovë”, tha Zhulali.