Zhvaste para përmes mashtrimit me kontrata pune në Norvegji, arrestohet 60-vjeçari

Një 60-vjeçar, banues në Norvegji, është arrestuar këtë të mërkurë nga policia e Tiranës për veprën penale të “Mashtrimit”.

Dyshohet se ky shtetas ka përvetësuar shuma të konsiderueshme parash nga shtetas të ndryshëm në Shqipëri duke i mashtruar dhe premtuar se do t’u siguronte kontrata pune në Norvegji.

Materialet në ngarkim të tij i kaluan Prokurorisë, për veprime të mëtejshme.

“Seksioni për Hetimin e Krimeve Ekonomike dhe Financiare, në vijim të punës për goditjen e veprimtarive kriminale në fushën ekonomiko-financiare dhe vënien e autorëve përpara përgjegjësisë penale, ka organizuar dhe finalizuar operacionin policor të koduar “Pakti”.

Gjatë operacionit u ndalua shtetasi K. K., 60 vjeç, banues në Norvegji, për veprën penale “Mashtrimi”.

Ky shtetas dyshohet se ka përvetësuar, nëpërmjet mashtrimit, shuma të ndryshme parash, nga disa shtetas, të cilëve iu kishte premtuar se do t’iu siguronte kontrata pune dhe do t’i bënte aksionerë në një biznes në Norvegji”, thuhet në njoftimin e policisë.