Zhvillime në Serie A, Gennaro Gattuso drejt Lazios

Lazio thuhet se ka arritur marrëveshje me Gennaro Gattuso, i cili pritet të marrë drejtimin e skuadrës në vend të Maurizio Sarrit, që sipas raportimeve do të kalojë te Atalanta.

Sipas gazetarit italian Fabrizio Romano në platformën X, zhvillimet janë në fazë të avancuar dhe njoftimi zyrtar pritet së shpejti, duke përdorur edhe sinjalin e tij të zakonshëm “Here we go”.

Raporte të tjera nga gazetari i merkatos Matteo Moretto bëjnë të ditur se marrëveshja mes Gattusos dhe Lazios është arritur, ndonëse ende nuk janë publikuar detaje për kontratën.

Gattuso, 48 vjeç, është pa skuadër që pas largimit nga posti i trajnerit të kombëtares italiane, pas dështimit në play-off të Botërorit. Ai pritet të rikthehet shpejt në drejtimin e një klubi të madh.

Nga ana tjetër, largimi i Sarrit nga Lazio është përmendur prej kohësh, mes tensioneve me presidentin Claudio Lotito. Ndërkohë, ai është lidhur edhe me një rikthim të mundshëm te Napoli, pas largimit të Antonio Contes dhe po ashtu përflitet se do të marrë vendin e Rafaele Paladinios tek Atalanta.