Debate në Këshillin Bashkiak të Himarës, tërhiqet kandidati. Largohen këshilltarët

E ndërsa vijon mbledhja për të zgjedhur kryetarin e ri të komanduar të Bashkisë Himarë, nuk kanë munguar as debatet.

21 këshilltarët bashkiakë do duhet të zgjidhnin mes dy nënkryetarëve Pervin Gjikuria dhe Arqile Bollano, ky i fundit më herët ka mbajtur edhe detyrën e kryetarit të partisë socialiste në Himarë.

Por Pervin Gjikuria është tërhequr nga gara, ndërsa pas kësaj këshilltarët janë larguar.

Dhimitër Kapaj, kryetar i këshillit Bashkiak tha se sipas statusit, duke qenë se kryebashkiaku i zgjedhur i Himarës nuk është votuar, ndërsa kryetarja e komanduar Blerina Bala, dha dorëheqjen dy ditë më parë, duhet që këshilli të votojë për dy kandidatët dhe është shumë e rëndësishme që të zgjidhet një kryetar.

“Ne nuk e kemi betuar kryetarin e ri dhe në bazë të ligjit zgjidhet një nga nënkryetarët. Ushtrimi i mandati fillon në çastin kur bën betimin dhe kur përfundon betimin kandidati pasardhës. Ne jemi përballë këtij fakti  pasi edhe në mbledhjen e mëparshme ne kemi pasur këto debate. Por ne duhet të marrim një vendim për të zgjedhur një kryetar për Himarën. Himara nuk është vetëm e jona. Unë rekomandoj që të zgjedhim, ligji e përcakton, janë dy nënkryetarë, të dy burra të nderuar”, tha ai.

LEXONI GJITHASHTU:

• Jep dorëheqjen kryetarja e komanduar e Bashkisë Himarë, Blerina Bala
• Jep dorëheqjen kryetarja e komanduar e Bashkisë Himarë, Blerina Bala