Zjarr i madh në Gjirokastër, 60 forca zjarrfikës dhe vullnetarë në terren

Vatra e zjarrit në zonën e fshatit Labovë e Madhe, Gjirokastër po merr përmasa të mëdha.

Të ndihmuara nga era flakët janë përhapur në një sipërfaqe të gjerë kullotë dhe shkurre duke ju afruar edhe shtëpive të fshatit.

Në terren ndodhen 60 forca zjarrfikëse dhe vullnetarë, të cilët po punojnë për neutralizimin e flakëve dhe evitimin e rrezikut të zjarrit për shtëpitë e fshatit.

Sipas drejtuesve të zjarrfikësve të Gjirokastrës, po ndërhyhet në dy drejtime, njëri grup lufton për izolimin e zjarrit në drejtim të fshatit Labovë, një grup tjetër në drejtim të malit. Për momentin kjo vatër zjarri është nën kontroll.

LEXONI GJITHASHTU:

• Zjarri në Malin e Thatë hyn në anën shqiptare, rrezikohet Parku Kombëtar i Prespës
• Zjarr i madh në Malin e Thatë, ndërhyrje nga toka dhe ajri