Zjarr i madh në Shkodër, shkrumbohen gjatë natës 2 lokale

Gjatë mesnatës një zjarr masiv ka përfshirë ambientet e një pallati në qendër të Shkodrës, në afërsi të teatrit “Migjeni”.

Dyshohet se një shkëndijë elektrike në ashensorin e këtij pallati ka shkaktuar flakët e mëdha, që kanë shkrumbuar dy lokalet dhe kanë djegur fasadën e pallatit.

Deri në këto momente raportohet vetëm për dëme materiale dhe jo persona të lënduar.

Gazetari i Euronews Albania, Teodor Gjerga raporton se një nga lokalet është në pronësi të Këshilltarit Bashkiak të Shkodrës, Arbis Vjerdha.

Sipas gazetarit, një tjetër pistë ku po hetohet është se zjarri mund të jetë vënë qëllimisht për shkak të detyrës së Vjerdhës.

Grupi hetimor po vijon punën për të hetuar për shkaqet e plota të zjarrit.