Zjarr në Berat, dyshohet të jetë i qëllimshëm. Detajet e para…

Një zjarr ka rënë pranë Tregut të ri tek Ura e Salillarit në Berat. Zjarri u pikas nga kalimtarët e rastit,që njoftuan zjarrëfikësit.

Sipas informacioneve të siguruara nga korrespontenti i Euronews Albania, Griseld Zenuni grupi i shërbimit me dy mjete zjarrëfikëse ka shkuar menjëherë në vendngjarje.

Megjithëse zjarri ishte duke u përhapur me shpejtësi për shkak të erës e temperaturave të larta, zjarrëfikësit bën të mundur izolimin e tij dhe fikjen e zjarrit në një kohë relativisht të shkurtër.

Si pasojë e zjarrit u dogj një sipërfaqe rreth 1000 m2 me shkurre e ferra.Sipas burimeve zjarrëfikëse në vendngjarje dyshohet se zjarri ka qënë i qellimshëm dhe po punohet për identifikimin dhe kapjen e autorit (autorëve).