Zjarr në katin e shtatë të një pallati në Fier, zjarrfikësit në vendngjarje

Një zjarr ka përfshirë mëngjesin e sotëm një apartament në katin e shtatë të një pallati shumëkatësh në lagjen 29 Nëntori në Fier.

Sipas informacioneve paraprake, flakët kanë shpërthyer pak pasi të zotët e shtëpisë ishin larguar, rreth 30 minuta para ngjarjes.

Banorët e pallatit, të alarmuar nga tymi dhe flakët, kanë njoftuar menjëherë shërbimin zjarrfikës, i cili ka ndërhyrë me shpejtësi në vendin e ngjarjes. Megjithatë, ndërhyrja është bërë më e vështirë për shkak të rrugës së ngushtë që kufizonte lëvizjen e mjeteve zjarrfikëse.

Nga zjarri janë shkaktuar dëme materiale të konsiderueshme, ndërsa nuk raportohet për persona të lënduar.

Grupi hetimor dhe ekspertët e zjarrfikëses po punojnë për zbardhjen e plotë të rrethanave të ngjarjes dhe përcaktimin e shkakut të saktë të zjarrit, i cili paraprakisht dyshohet të jetë shkaktuar nga soba e lënë ndezur.

LEXONI GJITHASHTU:

• Të shtëna me armë zjarri në Tiranë, dyshohet për 4 të plagosur
• Zjarr pranë Parkut Kombëtar të Llogorasë, flakët përparojnë nga erërat e forta