Zjarr në një pyll me pisha në Berat, ja sipërfaqja e djegur

Një zjarr ka rënë sot në pyllin me pisha në malin Partizan në Berat.

Pas njoftimit, 4 mjete zjarrfikëse dhe 20 punonjës janë nisur drejt zonës së zjarrit që ishte shtrirë deri në kurorat e pishave.

Ndërhyrja e menjëhershme e shërbimeve zjarrfikëse ka bërë të mundur lokalizimin e shpejtë të flakëve dhe fikjen e zjarrit. Si pasojë është djegur një sipërfaqe prej 50 m2 me shkurre e ferra si dhe u përshkruan edhe 20 rrënjë pisha.

Burime nga Reparti Zjarrfikës bëjnë me dije se e gjithë zona që u përfshi nga zjarri në malin Partizan do të jetë në monitorim për të shmangur ndonjë riaktivizim të zjarrit për shkak të temperaturave të larta.

LEXONI GJITHASHTU:

• Zjarre masive në Spanjë, ishujt Kanarie përballen me situatën më të rëndë në 40 vjet
• 7 fëmijë humbin jetën nga zjarri në kampin e të përmbyturve në Kongo