Një vatër zjarri është regjistruar këtë pasdite në masivin pyjor në zonën e Ujit të Ftohtë Tepelenë. Flakët janë shfaqur rreth orës 16.00 në një sipërfaqe me shkurre.
Të ndihmuar edhe nga terreni i thatë brenda pak minutash ato janë përhapur në një sipërfaqe të gjerë duke rrezikuar dëmtimin e masivit pyjor në pikën turistike të Ujit të Ftohtë.
Për shuarjen e zjarrit kanë ndërhyrë efektivat zjarrfikës si dhe shërbimi pyjor Tepelenë. Flakët kanë dëmtuar vetëm një sipërfaqe me shkurre në zonën e Ujit të Ftohtë.
Moti i thatë i ditëve të fundit ka shkaktuar disa zjarre në pyje dhe kullota në Qarkun e Gjirokastrës ndërkohë që një person është proceduar penalisht si autor i dyshuar i një prej vatrave të zjarrit.
Shërbimi Zjarrfikës në Gjirokastër bën thirrje për respektimin e masave parandaluese nga banorët për evitimin e zjarreve në pyje-kullota.
LEXONI GJITHASHTU:
- Euro mbetet e dobët, me sa tregtohen monedhat e huaja në vend
- Përdorte avionë për trafikun e kokainës, dënohet me 20 vjet burg ‘bosi’ shqiptar
