Zjarr te Spitali Psikiatrik/ Policia tregon shkaqet, reagon dhe QSUT

QSUT njoftoi se mbrëmjen e së mërkurës, rreth orës 21:45, në katin -1 të Spitalit të Neurologjisë është konstatuar prani tymi, pa asnjë rrezik për pacientët apo stafin.

“Stafi mjekësor dhe ekipet teknike kanë ndërhyrë për të vlerësuar situatën dhe garantuar vijimin normal të shërbimit dhe zjarri nuk ka nuk ka paraqitur asnjë rrezik pêr pacientët apo personelin dhe pun aka vijuar pa asnjë pengesë”

Ndërkohë janë njoftuar zjarrëfikëset dhe autoritetet përkatëse të cilat kanë kryer verifikimet e nevojshme duke siguruar që gjithçka është në parametra të sigurt.

Ndërsa këtë të enjte reagoi dhe Policia e Tiranës e cila thotë se zjarri që ra në magazinën e Spitaliat Psikiatrik u shkaktua nga një shkëndijë elektrike.

“Më datë 05.02.2025, rreth orës 21:50, dyshohet se për shkak të një shkëndije elektrike ka rënë zjarr në bodrumin e Spitalit Psikiatrik. Nga zjarri janë shkaktuar vetëm dëme materiale. Materialet procedurale i kaluan Prokurorisë, për veprime të mëtejshme”, thuhet në njoftimin e bluve.

LEXONI GJITHASHTU:

• S’pranonte ndarjen e pronës me motrën, zbardhet konflikti pse babai vrau djalin
• 100 mijë palestinezë do vijnë në Shqipëri? Rama u përgjigjet ndjekësve në Facebook