Zjarre masive në ishullin grek të Kretës, evakuuohen 1500 persona

3 Korrik 2025 | 08:04

Një zjarr i fuqishëm ka shpërthyer në lindje të Kretës, duke dalë jashtë kontrollit që nga pasditja e së mërkurës, pranë komunës së Ierapetrës. Sipas autoriteteve, zjarri po përhapet me shpejtësi për shkak të erërave të forta që arrijnë deri në 8 ballë në shkallën Beaufort, duke kërcënuar zona të banuara, struktura turistike dhe infrastrukturë kritike, përfshirë një stacion karburanti.

Fronti i zjarrit është përhapur tashmë në mbi 6 kilometra, duke vështirësuar përpjekjet e shërbimeve të emergjencës për ta vënë nën kontroll. Tymi ka mbërritur deri në plazhin e Makry Gialos, rreth 10 km nga Achlia në Lasithi, ku zjarrfikësit po përballen me flakët në terren të thyer dhe të vështirë.

Në vendbanimin Agia Fotia, situata është përkeqësuar ndjeshëm: shtëpi dhe prona me qira janë shkatërruar, ndërsa zona vuan nga ndërprerje të energjisë elektrike. Të paktën katër të moshuar janë shtruar në spital për shkak të problemeve të frymëmarrjes të shkaktuara nga thithja e tymit.

Policia ka mbyllur rrugën kryesore pranë Agia Fotia dhe ka bërë thirrje për të shmangur udhëtimet jo të domosdoshme, për shkak të cilësisë së keqe të ajrit, hirit dhe rrezikut të lartë nga nxehtësia dhe flakët.

Autoritetet kanë vendosur në gatishmëri të gjitha spitalet në Kretë, ndërsa është urdhëruar evakuimi i menjëhershëm i hoteleve, shtëpive dhe dhomave me qira në komunën Ferma. Operacioni i evakuimit po zhvillohet me mbështetjen e forcave zjarrfikëse, policisë dhe vullnetarëve lokalë.

Deri më tani, rreth 1,500 persona janë evakuuar nga vendbanimet dhe zonat turistike përreth dhe janë zhvendosur në qytetin Ierapetra. Rreth 200 prej tyre po strehohen përkohësisht në arenën sportive të mbyllur të qytetit.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Me vlerë 350 milionë euro, familja mbretërore e Katarit blen vilën luksoze të Berlusconit në Sardenjë

Një nga pronat e patundshme politike më famëkeqe në Itali thuhet se ka gjetur një blerës. Ish-kryeministri dhe ministri i jashtëm i Katarit, Hamad bin...
14:47 | 24/06/2026

Belgjika lëshon alarm kombëtar për valën e të nxehtit, anulohet lëvizja e 100 trena në ditë

Belgjika shpalli alarm kombëtar për nxehtësinë të mërkurën, ndërsa një valë e fortë të nxehti ka përfshirë vendin, duke e detyruar operatorin kombëtar hekurudhor SNCB...
14:28 | 24/06/2026

Dhjetë vjet pas Brexit-it, Londra dhe Berlini po afrohen

Kur rezultatet e referendumit të Mbretërisë së Bashkuar u shpallën në mëngjesin e 24 qershorit 2016, një valë mosbesimi u përhap në të gjithë Bashkimin Evropian (BE),...
14:19 | 24/06/2026