Zjarret në Evropë| Evakuime masive në Greqi. Në Spanjë, flakët jashtë kontrollit

Ambulancat evakuuan me urgjencë pacientët nga një spital i kërcënuar nga flakët në Greqi, ku situata nga zjarret vijon të jetë e rëndë dhe është përshkallëzuar në orët e fundit.

Më problematike rezulton ajo në Aleksandropolis, ku rreth 90 pacientë u transferuan në një traget dhe 115 të tjerë në spitale të tjera. Gjatë natës, shpërthime të fuqishme u dëgjuan në kompleksin e një spitali.

E nxitur nga erërat e forta dhe temperaturat e larta, kjo valë e re zjarresh ka lënë tashmë 2 të vdekur në Greqi dhe kushtet e motit nuk do të ndryshojnë deri të premten.

Ndërkohë, zjarri i rënë në ishullin spanjoll Tenerife vazhdon të jetë jashtë kontrollit. I cilësuar si zjarri më i rëndë në dekada, ai ka shkrumbuar mbi 15 mijë hektarë dhe sipas autoriteteve lokale, ka çuar në evakuimin e më shumë se 12 mijë banorëve.

LEXONI GJITHASHTU:

• Zjarre masive në Spanjë, ishujt Kanarie përballen me situatën më të rëndë në 40 vjet
• Digjen Greqia e Spanja, Autoritetet: E keqja kaloi, por zjarret s’janë nën kontroll