Zjarret në Gramsh, evakuohen banorët e katër fshatrave

Situata e zjarreve në Gramsh duket se është rënduar pasditen e kësaj të marte. Autoritetet kanë urdhëruar evakuimin e menjëhershëm të banorëve të fshatit Skënderbegas, si dhe të fshatrave Ërmenj, Harunas dhe Zenelas, për shkak të zjarreve të përhapura në këto zona

Banorët janë thirrur të largohen nga banesat dhe të bashkëpunojnë me forcat e emergjencës për një evakuim të sigurt.

Sipas raportimeve të fundit, fshati Skënderbegas është evakuuar plotësisht, ndërsa operacionet për largimin e banorëve nga fshatrat e tjera vijojnë intensivisht.

Autoritetet po punojnë për të vendosur në kontroll flakët dhe për të parandaluar përhapjen e mëtejshme të zjarreve.

LEXONI GJITHASHTU: 

• Pamje apokaliptike nga Gramshi, konfirmohet viktima e parë nga zjarret në vend
• Flakët shkrumbojnë teqenë e Shemberdhenjes, rëndohet situata nga zjarret në Gramsh