Zjarri i korrikut të vitit 2023, Prokuroria zbarkon në inceneratorin e Elbasanit

Prokuroria pranë Gjykatës së Shkallës së Parë të Juridiksionit të Përgjithshëm Elbasan ka vijuar hetimet lidhur me inceneratorin e Elbasanit, duke u rikthyer në këtë objekt rreth mesditës së kësaj të enjteje, e asistuar nga forcat e policisë.

Sipas burimeve zyrtare, grupi hetimor ka zhvilluar veprime hetimore dhe ka kryer një inspektim të detajuar të landfillit të Elbasanit.

Hetimi u nis pas një ngjarjeje që ndodhi në korrik të vitit 2023, kur një zjarr i përmasave të mëdha përfshiu inceneratorin, duke çuar në hapjen e një çështjeje penale për veprat penale “Shkatërrimi i pronës me zjarr” dhe “Ndotja e ajrit”.

Po ashtu, prokuroria po shqyrton përgjegjësinë e kompanisë “Eco Alb” për veprën penale të “Shpërdorimit të detyrës”. Autoritetet janë duke hetuar shkaqet e zjarrit dhe ndikimin e tij në mjedis, si dhe mundësinë e keqmenaxhimit apo abuzimeve me detyrën nga ana e përgjegjësve të inceneratorit.

LEXONI GJITHASHTU:

• Trafikonin drogë në Greqi, SPAK sekuestron 90 pasuri të grupit të Kristo Qiricit
• E solli në Tiranë për ta vrarë, autori rezulton babai i 24-vjeçares: Zbardhet motivi