Zjarri në Kurbin, Balla: Një nga autorët është kapur

Ministri i Brendshëm, Taulant Balla ka bërë me dije se në bashkinë Kurbin, në masivin me pisha pranë qytetit të Laçit është një ndër situatat më të vështira të krijuar nga zjarret gjatë këtij viti.

Ai sqaroi se forcat zjarrfikëse të të gjitha bashkive pranë Kurbinit janë urdhëruar të ndërhynë. Ndërkohë Emergjencat Civile, Forcat e Armatosura dhe Forcat e Ndërhyrjes së Shpejtë janë nisur për në Laç.

Balla tha se një nga autorët është ndaluar në flagrancë.

Për të njëjtin raft ka reaguar dhe ministri i Mbrojtjes, Niko Peleshi.

Postimi i plotë në Facebook:

50 efektivë të Forcave të Armatosura, helikopteri Cugar dhe 2 mjete zjarrëfikëse janë mobilizuar për të ndihmuar në shuarjen e zjarrit masiv në bashkinë e Kurbinit. Situata është sfiduese për shkak të terrenit të vështirë, ku zjarri është përhapur shpejtësisht.

Të përkushtuar për sigurinë dhe mirëqenien e qytetarëve tanë!

LEXONI GJITHASHTU:

• Zjarret në Greqi, gjenden 18 trupa të djegur në një pyll
• I gjetën stiva dru zjarri të prera në mënyrë të paligjshme, procedohet 51-vjeçari