Zjarri përfshin kurorën e gjelbër me pisha afër banesave në Gjirokastër

Një zjarr problematik është shfaqur në masivin me pisha, mbi qytetin e Gjirokastrës. Flakët u shfaqën rreth orës 11.30 dhe i ndihmuar nga tereni i thatë dhe moti i mxehtë zjarri po përhapet në një sipërfaqe të gjerë.

Vatra e zjarrit ndodhet mbi Parkun Natyror të Viroit duke rrezikuar të dëmtojë kurrorën e gjelbërt të qytetit. Strukturat e emergjencës dhe pushtetit vendor për shkak të terrenit malor po ndërhyjnë me mjete rrethanore për shuarjen e flakëve.

Në vendngjarje është i gjithë efektivi zjarrfikës dhe vullnetarë të Bashkisë Gjirokastër që janë ndarë në dy grupe.

Njeri grup po lufton me flakët në drejtim të qytetit dhe grupi tjetër po lufton në drejtim të fshatit Mashkullorë. Terreni i thepisur e bën të pamundur përdorimin e mjeteve zjarrfikës ndërsa zjarri po shuhet me mjete rrethanore.