“Zonë tampon” për të gjithë Ukrainën, Medvedev publikon hartën…

Zëvendëskryetari i Këshillit të Sigurisë Ruse kërkon që aleatët e Ukrainës të ndalojnë së ofruari ndihmë ushtarake.

Dmitry Medvedev, kërcënoi se pothuajse i gjithë territori i Ukrainës mund të shndërrohet në një “zonë tampon”, siç raportojnë mediat e huaja.

Në faqen e tij në rrjetin social X, Medvedev publikoi një infografik, sipas të cilit, nëse “ndihma ushtarake për regjimin e Banderas vazhdon, zona tampon do të duket kështu”, dhe bashkëngjitur një hartë të Ukrainës, ku territori ukrainas është shënuar si “zonë tampon”, dhe një rrip i ngushtë përgjatë kufirit me Poloninë quhet “Ukrainë”.

Në përgjigjet e komentuesve, ja edhe nga ata të cilët nuk e kanë marrë shumë seriozisht postimin e Medvedev. Një prej tyre vuri në dukje se 3 vjet pas pushtimit në shkallë të plotë të Ukrainës, Rusia mban më pak territor sesa në 4 javët e para të luftës.

“Me këtë ritëm, sa kohë do të duhen… 22 vjet?” – pyeti përdoruesi.

“Nëse ndihma ushtarake për regjimin Banderite vazhdon, zona tampon mund të duket kështu”, shkruan Medvedev duke bashkangjitur një hartë të zonës së sugjeruar nga Medvedev, e cila përfshin praktikisht të gjithë Ukrainën, përveç një copë toke përgjatë kufirit polak.

LEXONI GJITHASHTU:

• Dështimi me anijen luftarake, Koreja e Veriut arreston zyrtarin e katërt të lartë
• 30 të vdekur në shkollën e Gazës, Izraeli: Shënjestër ishin terroristët