Zv.kryeministri i Maqedonisë së Veriut viziton Tiranën, pritet nga Rama e Begaj

Zëvendës kryeministri i Maqedonisë së Veriut, Izet Mexhiti zhvilloi një vizitë zyrtare në Tiranë, të parën e tij pas marrjes së këtij pozicioni.

Gjatë vizitës së tij në Shqipëri, Mexhiti u prit nga zyrtarët më të lartë të shtetit shqiptar, duke nisur nga presidenti Begaj dhe kryeministri Rama.

Në takimin me kryeministrin Rama, numri dy i qeverisë maqedonase theksoi se u diskutua për thellimin e bashkëpunimit mes dy qeverive dhe vendeve tona, me fokus në rëndësinë e lidhjeve të forta që na bashkojnë si shqiptarë.

Sakaq, në pritjen e rezervuar nga presidenti Begaj mes dy zyrtarëve të lartë u diskutua për rëndësinë e bashkëpunimit strategjik mes Shqipërisë dhe Maqedonisë së Veriut me vëmendje të veçante nët projektet infrastrukturore si Koridori 8-të, hekurudha Kërçovë-Lin, dhe projekte të tjera të cilat shërbejnë si ura lidhëse jo vetëm infrastrukturore, por edhe vëllazërore mes dy vendeve!

Kjo ishte vizita e parë e Mexhitit në Tiranë pas zgjedhjeve të prillit ku nga Tirana zyrtari kishte më shumë qasje pozitive ndaj partive të boshtit të udhëhequr nga Ali Ahmeti.

LEXONI GJITHASHTU:

• Skandali me Osmanin në Shkup, Kosova i dërgon notë proteste Maqedonisë së Veriut
• Iniciativa për Akademinë Shqiptare lëkund Qeverinë e Maqedonisë së Veriut