Zyrtarët ukrainas vizitë në Uashington, ministrat që marrin pjesë

Zyrtarët e lartë ukrainas kanë nisur një vizitë në Uashington, ka thënë zyra presidenciale e Ukrainës.

Sipas mediave të huaja, delegacioni përfshin ministren e Ekonomisë, Julia Svyrydenko dhe ministrin e Mbrojtjes, Rustem Umerov.

“Ne jemi duke punuar në Uashington… Ne u jemi mirënjohës partnerëve tanë për mbështetjen e tyre,” tha shefi i kabinetit të Presidentit Andriy Yermak në Telegram.

Vizita vjen në kohën kur Volodymyr Zelensky i bëri thirrje aleatëve perëndimorë që të lejojnë Ukrainën të përdorë armë perëndimore me rreze të gjatë për të sulmuar bazat ajrore ushtarake ruse.

Kievi thotë se mënyra më efektive për t’iu kundërvënë sulmeve ruse është të shënjestrohen avionët rusë, jo vetëm bombat.

Kujtojmë se mijëra persona, civilë e ushtarakë, kanë humbur jetën në Ukrainë pas nisjes së agresionit të pajustifikuar rus ndaj fqinjit të saj perëndimor.

LEXONI GJITHASHTU:

• Një F-16 raportohet të jetë rrëzuar në Ukrainë këtë javë
• Sulmi rus me dronë, shkëputen katër njësi të energjisë bërthamore në Ukrainë